main apane haath se us kii dulhan sajaa_uuNgii
supurd kar ke use chaaNdanii ke haathon
main apane ghar ke aNdheron ko lauT aa_uuNgii
badan ke karb ko vo bhii samajh na paayegaa
main dil men rouuNgii aaNkhon men muskuraa_uuNgii
vo kyaa gayaa ke rafaaqat ke saare lutf gaye
main kis se ruuTh sakuuNgii kise manaa_uuNgii
vo ik rishtaa-e-benaam bhii nahiin lekin
main ab bhii us ke ishaaron pe sar jhukaa_uuNgii
bichhaa diyaa thaa gulaabon ke saath apanaa vajuud
vo so ke uThe to Khvaabon kii raakh uThaa_uuNgii
ab us kaa fan to kisii aur se manasuub huaa
main kis kii nazm akele men gun_gunaa_uuNgii
(manasuub=attached)
javaz DhuuNDh rahaa thaa na_ii muhabbat kaa
vo kah rahaa thaa ke main us ko bhuul jaa_uuNgii
(javaz=reason)
sama'aton men ghane jangalon kii saaNsen hain
main ab kabhii terii aavaaz sun na paa_uuNgii
On Thu, Dec 15, 2011 at 7:33 AM, Muhammad Naveed <muhammadnaveed128@gmail.com> wrote:
rukane kaa samay guzar gayaa hai
jaanaa teraa ab Thahar gayaa hai
ruKhsat kii ghaDii khaDii hai sar par
dil ko_ii do-niim kar gayaa hai
maatam kii fazaa hai shahar-e-dil men
mujh men ko_ii shaKhs mar gayaa hai
bujhane ko hai phir se chashm-e-nargis
phir Khvaab-e-sabaa bikhar gayaa hai
bas ik nigaah kii thii us ne
saaraa cheharaa nikhar gayaa hai
On Thu, Dec 15, 2011 at 7:33 AM, Muhammad Naveed <muhammadnaveed128@gmail.com> wrote:sadaa kii dekhii raat hamen is baar milii to chup ke se
Khaalii haath pe rakh ke kyaa sauGaat guzar ga_ii jaanaaN
kis konpal kii aas men ab tak vaise hii sar-sabz ho tum
ab to dhuup kaa mausam hai barasaat guzar ga_ii jaanaaN
log na jaane kin raaton kii muuraaden maaNgaa karate hain
apanii raat to vo jo tere saath guzar ga_ii jaanaaN
On Thu, Dec 15, 2011 at 7:33 AM, Muhammad Naveed <muhammadnaveed128@gmail.com> wrote:
sabz maddham roshanii men surKh aaNchal kii dhanaksard kamare men machalatii garm saaNson kii mahakbaazuuon ke sakht halqe men ko_ii naazuk badansilvaTen malabuus par aaNchal bhii kuchh Dhalakaa huaa
garmii-e-ruKhsaar se dahakii hu_ii ThaanDii havaanarm zulfon se mulaayam uNgaliyon kii chheD chhaaD
surKh honThon par sharaarat ke kisii lamhen kaa aksreshamii baahon men chuuDii kii kabhii maddham dhanak
sharmagiin lahajon men dhiire se kabhii chaahat kii baatdo dilon kii dhaDakanon men guuNjatii thii ek sadaa
kaaNpate honThon pe thii allaah se sirf ek duaakaash ye lamhe Thahar jaayen Thahar jaayen zaraaOn Wed, Dec 14, 2011 at 9:41 PM, Owner <ownerblueheaven@gmail.com> wrote:
Dear members share your poetry here!
--
--
MBA 4th semester( 0314-3161784 )
--
MBA 4th semester( 0314-3161784 )
MBA 4th semester
( 0314-3161784 )
--
You received this message because you are subscribed to the Google Groups "Pak Youth" group.
To post to this group, send email to pak-youth@googlegroups.com.
To unsubscribe from this group, send email to pak-youth+unsubscribe@googlegroups.com.
For more options, visit this group at http://groups.google.com/group/pak-youth?hl=en.