Tumhen aisa kyun lagta hai k hum
khud dhoondty hain apny rishton ko
Suno jana! kabhi aisa nahi hota
Tumhary aur mere chahny se kuch nahi hota
Kay sab rishty,sabhi bandhan kahin pehlay se rakhay hain
Wo saaray aanay walay pal jo aakhir beet jatay hain
Jo hum se jeet jatay hain
Wo sab pehlay se rakhay hain
Samjh kar soch kar rakhay hain saray pal,
sabhi rishtay,sabhi mosam
Mohabbat bhi to lamha hai,
mohabbat bhi to mosam hai
Yeh kis k dil pay utray ga?
Kahan par kab khiley ga, konsi galiyon main mehkay ga?
Najanay konsa dil es k rangon main fana hoga?
Najanay konsa dil is lamhay ko patay he
ghani tareekh galiyon ki musafat se raha hoga?
Wazahat hum nahi karty,
Mohabbat hum nahi krty,
K yeh to jadugarni hai jo humko dhoond leti hai,
Humain pehchan leti hai,
Kisi masroof kamray main pari beekaar chezon se yeh humko chaan leti hai,
Kabhi jab zakhm khalta hai,
Bason or daftaron ki bheer main bhi yeh hamaray sath chalti hai,
Lahu ki dhoop main chup chaap jalti hai,
Hina ki khusbuon main jab utari hai hamari jaan leti hai,
Yeh hum main bandh deti hai naye mosam,
naye soraj, naye tare or khusbo,
Yeh hum ko sonp deti hai koi aizaaz
jiska maan rakhna farz hota hai,
Yeh hum par bojh banti hai,
Yeh hum par qarz hota hai,
Kahan, kis par nichawar jaan krni hai,
Yeh chahat hum nahi kartay,
Suno jana! mohabbat hum nahi krtay….
TERI Rahmaton pe hay munhasir mery har amal ki qaboleet
na mujy saleeqa-e-iltaja na mujy shaoor-e-namaz hy
You received this message because you are subscribed to the Google Groups "Pak Youth" group.
To post to this group, send email to pak-youth@googlegroups.com.
To unsubscribe from this group, send email to pak-youth+unsubscribe@googlegroups.com.
For more options, visit this group at http://groups.google.com/group/pak-youth?hl=en.
No comments:
Post a Comment